 |
म नै हु यो
|
मेरो नागरिकतामा भएको नाम गौरव नेपाल हो तर म ब्लग लेख्दा अनि समजिक सन्जाल्हरुमा दामु (DAMU) का नामबाट लेख्ने वा परिचय दिने गर्छु । आफ्नो नाम मन नपरेर अर्को नाम राखेको पनि हैन ।समजिक सन्जालमा र ब्लग लेख्दा मैले जटिल कुरा उठाउँला र मलाई समस्या पर्ला भनेर समस्याहरुबाट बँच्न छद्मनाम प्रयोग गरेको पनि हैन ।साँच्चै भनुँ भने मैले मेरो धरातलबाट लेख्ने ब्लगहरुले त्यस्ता कुनै समस्या ल्याउलान् भनेर सोचेको पनि छैन । र, कथम् कदाचित मेरो लेखाइका कारण कुनै समस्या आइहाले पनि त्योबाट भाग्न सजिलो हुने बाटो पक्कै पनि म रोज्ने छैन ।
दामु के हो यो ? किन ?
यो धेरै जनाले सोध्ने गरेको र मैले मेरै बिषयमा रहेर सुन्नु पर्ने प्रश्न हो ।सानोमा यसो कविता, गीत लेखेर पत्रिकामा छाप्दा सबैले आफ्नो आफ्नो उपनाम लेख्ने गरेको देख्थेँ । कोही दुखी, कोही यात्री, कोही साथी, कोही निर्दोष यस्तै धेरै धेरै उपनामहरुका कविता र गीतहरु पत्रिकामा देख्दा साहित्यमा उपनाम त अनिवार्य भए झै लाग्यो ।कार्तिकमा जन्मेको मान्छे लाई दमोदर भनिदो रहेछ तेसै नाम लाई मैले आफ्नो उपनाम रख्ने कोसिस गर्दा गर्दै दामु हुन गएको हो । तपाईले जे नामले बोलाए पनि मलाई नमज्जा भने लाग्ने छैन तर यति हो तपाईले बोलाएको नामले मलाई बोलाएको हो भनेर मैले चै बुझ्न सकुँ।
जन्म र पढाई
म २०४९ सालमा पाल्पा जिल्लाको बग्चौर (हुमिन ग बि स) मा जन्मेको हु ।सहेद जन्म मात्र पाल्पामा भएको भन्नु पर्ला,रुपन्देही जिल्ला को भैरहवमा हुर्किय ।दसै तिहार म जाने गर्छौ पाल्पा अजै पनि, मलाई संसारमै रमाइलो लग्ने ठाउँ हो पाल्पा मेरो गाउ बग्चौर ....
मैले भैरहवकै सन साइन स्कुल बाट एसएलसी सक्काएँ ।रुपन्देही को लुम्बिनी ईन्जिनियरिङ कलेज बाट सिभिल ईन्जिनियरिङमा डिप्लोमा गरेको छु ।
मेरो कुरा
मैले ब्लग लेख्ने कुराहरु दैनिक जीवनमा देखेका भोगेका र सुनेका कुराहरु नै हुन्छन् । इन्टरनेटमा ठ्याक्कै यही काम लाग्ने बिषयमा लेख्छु भन्नलाई त्यस्ता कुरा जान्दिन । यसैले जे कुराले आफुलाई छुन्छ, ढुक्कले लेखिदिन्छु । तर सुरु गर्दा भने आफ्नै कविता, गीत र गजल अनि निवन्ध लेख्छु भनेर मात्रै सुरु गरेको थिएँ । मेरो ब्लग ठेगाना यो हो है भनेर कसैलाई सुनाउँदा सबैभन्दा फरक भएको अनुभुति निकै पछिसम्म रहिरहन्थ्यो । यसमा लेखिएका कुरा आधिकारिक हुदैनन् । त्यसो भन्दैमा हावादारी कुरा लेख्छु भन्न खोजेको पनि हैन । तर कुनै घटनाक्रमका बारेमा मैले गरेको विश्लेषण सहि नहुन पनि सक्छ । म बिषयसँग तटस्थ वा निष्पक्ष भएर ब्लग लेख्न सक्दिन । ब्लग लेख्दा निजी विचार नलेखेँ के लेख्ने भन्ने सोचेको पनि छैन । मलाई लाग्छ, मेरो विचार, मेरो स्वाभिमान हो । म मेरा विचार राख्न स्वतन्त्र छु । अनि मेरो विचारमा सहमत असहमत हुन तपाई स्वतन्त्र हुनुहुन्छ ।
म ब्लग लेख्दा राजनीतिक बिषयवस्तुसँग सम्बन्धित ब्लग पनि लेख्छु । राजनीति मेरो चासोको बिषय हो । कुनै पार्टीले गरेका सबै काम राम्रा र कुनैले गरेका सबै काम नराम्रा भन्ने मलाई लाग्दैन । नेपाली राजनीतिमा म खुसी पनि छैन र सबै सकियो भनेर निराश पनि छैन । नेतालाई गाली गरेकै भरमा जिम्मेवार नागरिक होइन्छ भन्ने चै म मान्दिनँ । बरु राजनीतिलाई डर्टी गेम भन्दै त्यसको कुरै गर्न नचाहनेले नेतालाई गाली गर्ने अधिकार पनि राख्दैनन् भन्ने लाग्छ ।
मलाई भेट्न
मलाई ब्लगको कुनै पनि कमेन्ट बक्समा कमेन्ट वा सल्लाह सुझाव पेजमा लेखेर सम्पर्क गर्न सक्नुहुन्छ । अथवा,
इमेलमा सम्पर्क गर्नका लागि damugaurav92@gmail.com
मेरो फेसबुकमा http://www.facebook.com/damugauravnepal
ट्विटरमा https://twitter.com/damugaurav
No comments:
Post a Comment